GOSSIP GIRL !!

Gossip Girl

{Gossip Girl is here,

Your one & only Source to

The Scandalous Life of

Manhattan's Elite.}

And Who am I

That's The Secret I'll Never Tell

U Know u Love ME

XO XO

Gossip Girl

 

( فتاة النميمة هُنا ..
مصدركم الأول والوحيد ..
لفضائح الطبقة الراقية في مانهاتن ) ..

- أهم حاجة محدش يفكر إني غاوي مسلسلات الHigh School

والكلام ده .. لأ مش للدرجة دي ..

بس لما تكون بتشوف مُسلسلات قوية جدًا من ناحية الدراما والأحداث

زي Dexter و Grey's Anatomy و Desperate Housewives

وبعدها تشوف 176 حلقة من Charmed ..

ففكرت إني محتاج مُسلسل بسيط كده .. يكون زي سناكس أو راحة ليا ..

قبل ما أبدأ في مُسلسل جديد أو حاجة ..

فالمهم وقع في ايدي مُسلسل Gossip Girl أو فتاة النميمة ..
وبما إني باحب النميمة .. هع .. فاتفرجت عليه ..

وكان واضح إنه بسيط في البداية، لكن بعد كده فاق توقعاتي الشخصية ..

- أولاً // عن المُسلسل ..

مُسلسل بدأ إنتاجه سنة 2007

وما زال مُستمر حتى الآن خلال سيزون 3 واللي حينتهي يوم 10 مايو ..

المُسلسل مبني على رواية بنفس الاسم ..

وهو من تأليف وإنتاج 2 هُم نفس المنتجين والمؤلفين لمُسلسل The O.C

لو حد له في الليلة يعني .. ^ ^

المُسلسل حقق نسبة مُشاهدة عالية جدًا فاقت كتير من التوقعات ..

وفي نفس الوقت واجه انتقادات كتيرة ..
كما إنه واخد Rating عالي على IMDb
ب 10 / 8 ...

- ثانيًا// فكرة المُسلسل ...

Gossip Girl هو أحد المواقع على النت ..

واللي بتنشر كل الإشاعات والفضائح الخاصة بالطبقة الراقية 

من الطلبة في مدارس نيو يورك ..

وفي نفس الوقت Gossip Girl هي راوي المُسلسل ..

وشخصيتها محدش يعرفها أبدًا ...

وبيدور المُسلسل حول كتير من العلاقات والأحداث بين الشخصيات ..


ويبدأ المُسلسل بعودة الشخصية الرئيسية وهي (سيرينا) بعد سفرها ..
وتتناقل حواليها الشائعات والنميمة ..

ودائما تبدأ Gossip Girl الحلقة بالمُقدمة اللي كتبتها فوق ..

وتنهيها بعبارتها المشهورة ..

U Know u Love ME

XO XO

Gossip Girl

- ثالثًا// مُميزات المُسلسل وما يُحسب له ..


1- الفكرة طبعًا .. واللي سبق ذكرها .. فكرة مُميزة كانت السبب في مُعالجة النوع ده من المُسلسلات بطريقة جديدة.


2- تطور الشخصيات المُذهل .. وارتباطه بتطور أداء المُمثلين كمان . وازاي كُل شخصية بالرغم من تطورها وتغيرها على مدى المُسلسل .. إلا إنها في النهاية بترجع للجانب الأصلي لشخصيتها ..وأقدر أقول إنه فيه مستوى من مستوى تطور الشخصيات الرهيب اللي شفته في ديكستر .. بل فيه شخصيات قوية جدًا كمان ..زي واحدة مريضة نفسيًا كده اسمها (جورجينا) ^ ^ وكفاية شخصية (تشاك باس) ..


3- تطور الأحداث ..على مدار المواسم التلاتة الخاصة بالمُسلسل ..وده شيء كويس .. لأن فيه مُسلسلات بتضعف مع كل سيزون ..


4- الرومانسية المُمتنعة ..ودي حاجة خفية في الحبكة ..بالضبط زي (السهل المُمتنع ) كده ..وأنا في رأيي دي أهم ميزة في جوسيب جيرل ..


5- إنتاج المُسلسل الضخم ..وتكلفته الرهيبة ... والمُتمثلة في أهم حاجة وهي الموضة ..ودي حاجة خلت للمُسلسل شعبية ..أصلهم برا يموتوا في الهبل ده .. بتاع اللبس يعني ..هع ..


6- الموسيقى التصويرية .. والأغاني المُستخدمة في المسلسل .. تقريبا بينافس جريز .. ^ ^

خامسًا// عيوب المُسلسل ..

1- أخطاء كتيرة في الإخراج ..ويمكن أهم حاجة لاحظتها ودي مُصيبة أصلا ..هو تكرار بعض المشاهد اللي بتخص مدينة مانهاتن ..

2- أخطاء أكثر في الحبكة والأحداث .. بعض الأحداث بدون مُبرر ..والبعض الآخر بيتم ذكره دون الرجوع له ..

+ فيه بعض الأخطاء كمان في ذكر أحداث حصلت في الحلقات اللي قبل كده ..

3- العلاقات غير المُستقرة بين الشخصيات ..

4- (البطيخ ) !! .. وده عيب في الأحداث برضه ..مُبالغة غريبة بتحصل في بعض الأوقات ..والأهم من المُبالغة هي المُماطلة .. وده أهم عيب في جوسيب جيرل ..

- سادسًا// تقديري العام للمُسلسل ..


10 / 7 ..
وأنصح بمُشاهدته على مسئوليتك طبعًا ..
وفي رأيي إنه المفروض يكون Rated + 17
أو + 16 بس مش أقل يعني ..


يلا ..

U Know u Love ME

XO XO

Ice. T
28/4/2010