Friday, April 30, 2010

دفا السبرتاية - أحمد المصري !


دفا السبرتاية - أحمد المصري !















" كتابٌ راقٍ... عصري اللُغة ... دافيء ومُمتع " !

 (دفا السبرتاية) ... مجموعة قصصية رأيتها في معرض الكتاب السكندري هذا العام ..
جذبتني بعنوانها وغُلافها الدافئيين ...
وجعلتني أشعر لأول وهلة بالدفء الذي تحمله ... وبالفعل قد كان هذا !

- المجموعة تتألف من 10 قصص في إطار رومانسي ..
وهي لكاتب شاب هو (أحمد المصري) ...
الكاتب بمجلة (كلمتنا) الشبابية ..
كما أنها من تقديم الفنانة (إسعاد يونس) ..

- أكثر ما أعجبني فيها //
الوحدة الرهيبة للمجموعة بأكملها ..
تجعلك تشعر أن القصص العشرة مُتصلة معًا،

Thursday, April 29, 2010

( يونيو 2009 ! )


السلامُ عليكُم ..
في فترة من الفترات، وبالتحديد شهر يونيو 2009
قررت إني أسجل بعضًا من أيامي في شكل عبارات أدبية مُتفرقة ..
أكتبها كُل ساعة ... بشرط أن أستوحيها من أحداثِ هذه الساعة ..

وفعلاً .. نجحت الفكرة والحمد لله ..
وسجلت بعض الأيام على هذا المنوال ..
وخرج من كتابات هذه الطريقة بعض العبارات المُفضلة لدي أبدًا ..

وربما يكون بعضٌ منكم قرأها، لكني 
أُشاركها الآن بعد قليل من التعديلات ..
وذلك نشر للمرة الأولى ..

أما أفضل ما في الأمر .. أنه بعد مرور عام تقريبًا ..
لا زلت أذكر سبب كتابتي لكل عبارة منها .. ^ ^
شيء بديع فعلاً !!




الحادي عشر من يونيو 2009 !


- السابعة صباحًا ..
" ازددتُ يقينًا .. كم أنه عديمُ النفعِ، منزوعُ الضمير ! "

- الثامنة صباحًا ..
" واختلفت كُلُ نظراتي... هذه المرة أضحت أبعد بالكثير. "

- التاسعة صباحًا ..
" ربما يكونُ اليومُ لاعترافاتي ... على كُلٍ سأتجنبُ الاعتراف إليهن ! "

- العاشرة صباحًا ..
" أحيانًا يستلزمُني الأمر أن أستعرضً وجهي السيء. "

- الحادية عشر صباحًا ..
" اليومُ ألقيتُ عليه نظرة أخيرة ... كان من المُمكن أن أتقرّبُ إليه،
لكنّي آثرتُ الانسحاب ببساطة ! "

- الثانية عشر  ..
" تُرى ... أتزيدُ الجُرعة قليلاً !! "

- الواحدة مساءًا ..
" كفاني جدلاً، عساني أبقى كما أنا دومًا ... جميلاً !! "

Wednesday, April 28, 2010

GOSSIP GIRL !!

Gossip Girl

















{Gossip Girl is here,
Your one & only Source to
The Scandalous Life of
Manhattan's Elite.}

And Who am I
That's The Secret I'll Never Tell
U Know u Love ME
XO XO
Gossip Girl
 





( فتاة النميمة هُنا ..
مصدركم الأول والوحيد ..
لفضائح الطبقة الراقية في مانهاتن ) ..

- أهم حاجة محدش يفكر إني غاوي مسلسلات الHigh School
والكلام ده .. لأ مش للدرجة دي ..
بس لما تكون بتشوف مُسلسلات قوية جدًا من ناحية الدراما والأحداث
زي Dexter و Grey's Anatomy و Desperate Housewives
وبعدها تشوف 176 حلقة من Charmed ..

ففكرت إني محتاج مُسلسل بسيط كده .. يكون زي سناكس أو راحة ليا ..
قبل ما أبدأ في مُسلسل جديد أو حاجة ..

فالمهم وقع في ايدي مُسلسل Gossip Girl أو فتاة النميمة ..
وبما إني باحب النميمة .. هع .. فاتفرجت عليه ..
وكان واضح إنه بسيط في البداية، لكن بعد كده فاق توقعاتي الشخصية ..









- أولاً // عن المُسلسل ..
مُسلسل بدأ إنتاجه سنة 2007
وما زال مُستمر حتى الآن خلال سيزون 3 واللي حينتهي يوم 10 مايو ..

المُسلسل مبني على رواية بنفس الاسم ..
وهو من تأليف وإنتاج 2 هُم نفس المنتجين والمؤلفين لمُسلسل The O.C
لو حد له في الليلة يعني .. ^ ^




Tuesday, April 27, 2010

يوم لمّا صوروا معانا !

يوم لمّا صوروا معانا !












- 25 أبريل هو عيد تحرير سيناء !
يعني كل عام وأنتم بخير .. وسينا رجعت تاني لينا .. ومصر اليوم في عيد !

المهم .. قُلت لازم احتفل بالعيد ده ( زي كل سنة يعني ) :D
واتفقت مع بعض رفقاء الكفاح في Bib- Alex
إننا نروح هناك ونحاول نعمل مشروع مُذاكرة فاشل - كالعادة - ..

وفعلاً .. رُحنا واتقابلت مع كلٍ من LG , M & S
وبعد صولاتنا وجولاتنا في المُذاكرة الرهيبة جدًا ..
فوجئنا بشيء لم يتوقعه أحد على الإطلاق ..

قال ايه يا اخويا .. التي في حييجي ويصور معانا دلوقت ..
ولازم نستعد .. وده لإن مفيش حد غيرنا تقريبًا ..

وبعدين ده مش أي تي في .. لأ دي القناة الخامسة بذات نفسها !
يعني الواحد ضمن إنه مش حيشوف نفسه أصلاً ..
والسبب هو إني معنديش القناة الخامسة .. هع !

ما علينا .. احنا تعاطفنا معاهم والسلام ..
ووصلت مُعدة البرنامج وقعدت تشرح لنا الأسئلة اللي حنتسأل فيها ..
ومحدش من ال 3 بنات كان راضي يصور أصلا ..
راحت المُعدة قالت لي / "اقنعهم انت بقى يا T .. وريهم سيطرة الجانب الرجالي " !

T : يووه .. رااااجل !! .. هو فين ده  ؟!

- المهم .. بعدين وصل فريق العمل ..
بالكاميرات .. أقصد الكاميرا !!
والمايك اليتيم بتاعهم ..
وكشاف النور علشان الإضاءة .. مش عارف ليه بيفكرني
بالكشاف بتاع الصيادين وهم بيصطادوا الجمبري ما بين الصخور !!
هع !

المهم .. الكاميرا أو الكشاف .. كانوا من غير فيشة ..
فقلنا ماشي .. والمكتبة جابت لهم كهربا مخصوصة !
وإلا يبقى عيب علينا برضه ..

 المهم .. وصلت المُذيعة اللولبية !
الأستاذة الفاضلة / I .. 
بشعرها الفتان ... وصوتها الآخاذ ..
ونظارتها السوداء .. ورداءها الأحمر ..
والذئب يقف خلفها !
 هععع .. على أساس قصة ذات الرداء الأحمر يعني .. :D

 وبدأت أول جلسة تصوير مع المُذيعة الفاضلة ..
معايا أنا T ومع الأخت LG ...
و بدأنا لقائنا التليفزيوني الموعود !

 °°°°°°°°°°°°°°°°
- المُذيعة I / " أعزائي المُشاهدين .. من داخل Bib Alex
التقينا مع بعض الشباب الحلوين .. نحب نتعرف عليكم "..

أنا : أنا T .. في كلية طب بشري حضرتك ..

LG : " أنا LG .. آداب إنجليش .. إنجليزي يعني .. "
 

Saturday, April 24, 2010

يوم لما خدوني الفرح معـاهم !


يوم لما خدوني الفرح معاهم !













مين قال أني مش باحب الأفراح ؟!

دي الأفراح جميلة خالص .. والناس كلها بتكون على طبيعتها !!
وكل فرح مُختلف عن التاني تمامًا !!

حد قال أني مش باحب الأفراح ؟!

ما علينا ..
المهم .. امبارح كان عندي فرح في المُنتزه !
وأصلاً أنا مكنتش عاوز أروح ...
لأ واللي يغيظ بقى ..
من قبل الفرح، وهم مش لاقيين حد يزنوا على دماغه غيري ..

" لازم تيجي الفرح معانا يا T "
" حتلبس بدلة يا T "
" مش حتلبس جينز يا T "
" حتلبس كرافتة يا T "
" مش حتعمل شعرك سبايكي يا T وإلا حتبقى عار على العائلة يا T "

كان ناقص يقولوا لي/ " حتعمل شعرك على جنب يا T "

المشكلة بقى إني رحت ولبست البدلة والكرافتة !
بس طبعًا عملت شعري على مزاجي .. 
تسريحة جديدة بالأصح !
أول ما شافوها قالوا " ايه الهبل ده ! "
هعع !

يفهموا ايه هم أصلاً في الشعر وجمال الشعر ؟!
وبعدين أنا كده .. أنا T !!


°°°°°°°°°°°°°°°°


- وصلنا الفرح الساعة 8 !
في واحدة من قاعات المُنتزة .. واللي كانت في الأصل ضمن قصر خاص بخادمات الملك !
 ....
كانت قاعة صُغيرة كده ولذيذة ..
بما إن العريس قريب العروسة ..
يعني زيتنا في دقيقنا ..
والمعازيم مش كتير ..
والعروسة للعريس والجري للمتاعيس ..

ولغاية الساعة 10 والعريس والعروسة لسه موصلوش ..
لدرجة إني بدأت أتعجب من وجود حد نحس في الفرح .. (هع ! ) !

المهم قلت لهم يتصلوا بالعروسة يشوفوها جاية ولا غيرت رأيها ؟!
هيهيهي ..

في الفترة بقى اللي ما بين الساعة 8 لغاية ما العروسة وصلت ..
قعدت  أتعرف على بعض الناس في الفرح !

- يعني مثلا .. أم العريس كانت جاية تسلم على ماي مازر !
بما إنهم يعرفوا بعض من مكانٍ ما !!

بعدها ماي مازر بتقدمني ليها ..

- ماي مازر / ابني .. T !
- أم العريس / دكتوور ؟!
- أنا / لأ .. T حضرتك !!
- أم العريس / هيهي .. دمك خفيف يا مضروب !
- أنا / على فكرة اسمي T  مش دكتوور !

طبعًا بعدها افتكرت واستوعبت ..
إن العلامة المُسجلة في عائلتنا وعائلتهم ..
هي الدكتور والمهندس ..
يعني لمؤخذة لو حد تاني مش حيسلموا عليك ..
قال دكتور قال !
ميعرفوش اللي فيها ..


- بعدها بشوية ..
واحد ( X ) من قرايبنا ..
يقول لي/ "ايه يا دكتور T .. انت عامل نفسك مؤدب ولا ايه ؟ "

كنت عاوز اقوله " اه .. للأسف " !

هع !


°°°°°°°°°°°°°°°°


- المهم .. وصلت الساعة 10.30
وأخيرًا وصل العريس والعروسة ..
وبدأ الفرح .. بالزفة المُعتادة !
وفكروني معملش زفة يوم فرحي ..
لإن بعد اللي شفته من رقص العريس (اللي يستحق إنه يتسجن عليه ) !
معنديش استعداد أعمل زفة !