يوم المُكالمة إياها!!
 |
| مجلسنا الموقر |
المُكالمة كانت من نوع المُكالمات التي لا تعرف إلى أين ستقودك...
لا تعرف كيف سينتهي الحوار مع هذه الفتاة أو السيدة - الله أعلم- ..
كانت من نوع المُكالمات التي تبدأ برنين الهاتف ويتبعه صوت أنثوي يقول/
" آلوووووو .... أبو الليف ؟! ... مش حنقدر نكمل مع بعض ..."
ما علينا ...
أنا مستوعبتش بسرعة ... احتجت وقت إني أفهم هي بتقول ايه ..
وإني أقدر أجاوب على كل سؤال بتسأله !
- اليوم / مش فاكر .. يوم في شهر 10 تقريبًا ..
- الساعة / حوالي 8 بالليل كده !
(تررررن ... تليفون بيتنا بيررن)
T : آلووو ...
؟ : مساء الخير يا فندم ... معاك ( ------) من ( -------)
احنا حضرتك بنعمل دراسة عن مُشاركة البني آدمين في الحياة الإنتخابية ...
تسمح لي يا فندم أسألك بعض الأسئلة ؟!
( أنا مفهتمش أي حاجة من اللي قالته ... غير كلمة دراسة والحياة الإنتحابية ...
وفي العادي أنا كنت حاقفل السكة، خاصة إننا لينا تاريخ مع بتوع الدعايا والإعلان عن طريق الهاتف !!
بس مش عارف ليه قُلت أكمّل !! )
T : هه ؟! .. اه اتفضلي ..
؟ : حضرتك .. هو ده تليفون منزل ؟!
T : لأ محل ملابس ... ايوه منزل !!
؟: طيب .. ممكن أعرف اللي بيكلمني عنده كام سنة ؟!
T : أممممم .. 19 ؟؟ ...
؟ : حضرتك شاركت في إنتخابات مجلس الشعب قبل كده يا فندم ؟!
T : أكيد لأ !!
؟ : طيب حضرتك عندك بطاقة إنتخابية ؟!
T : أكيد لأ برضه !!!
؟ : ليه فندم ؟ ليه حضرتك معندكش بطاقة إنتخابية ؟!
T: علشان لسه مكمل الـ 18 سنة !!! ومكانش فيه إنتخابات !!!
؟ : طيب حضرتك عندك استعداد للمشاركة في الانتخابات يا فندم ؟
T : وليه لأ ؟!
؟ : طيب حضرتك عارف ايه هي دائرتك الإنتخابية يا فندم ؟!
T : أمممممممم ..... أمممممممم .. تقريبًا الرمل !!!
؟: طيب حضرتك عارف مين المُرشح في دائرة الرمل عن مقعد الفئات ؟!
T: لأ طبعًا !!!
؟: حضرتك يا فندم .. عندك كُلٍ من مُرشح عن مقعد الفئات في دائرة الرمل ...
( محمد عبد السلام المحجوب)
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
؟ : يا ترى يا فندم لو حضرتك اخترت واحد من المُرشحين دول حتختار مين ؟!
T : أكيد المحجوب !! ...
(مش شايفين الدعايا بتاعته ... يا محجوب يا محبوب ... يا قاعد في القلوب .. بلا بلا بلااااا ...)
؟ : طيب حضرتك تعرف مين مُرشح عندك في مقعد العُمال !!؟؟
T: العُمال ... أكيد لأ برضه !!
؟: حضرتك عندك كُل من /
( المُحـمدي السيـد أحمـد)
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
( ــــ ـــــ )
T : كُل دول ؟!!!!!!!!
؟ : طيب لو حضرتك اخترت واحد منهم يا فندم .. حتختار مين يا فندم ؟!
T: يعني مش عارف ... ممكن المُحمدي .. بما أنه اللي كسب قبل كده ...
؟ : شُكرًا ليك يا فندم على حسن استجابتك ...
سلام عليكم ...
T : وعليكم السلام يا فندم !!!!
---------------
- بغض النظر عن كمية (يا فندم) اللي اتقالت لي في المُكالمة !!
فأنا خرجت من الليلة دي بحاجتين...
أولا: إني فعلا مش عارف أنا دايرة ايه ؟!
الرمل ولا المُنتزة ؟!
يعني أنا ساكن في دايرة (مش جوا الدايرة يعني) ...
بس في البطاقة تبع دايرة تانية ... مع العلم إني عامل البطاقة في الدايرة الأولانية !!
فيا ريت لو حد يعرف أنا تبع دايرة ايه .. يقول لي ..
ثانيًا: أنا عندي النية إني أستخرج بطاقة إنتخابية، وإني أروح فعلا وأشارك في الإنتخابات ...
يعني كنوع من الإيجابية...
بس الحقيقة اللي انصدمت بيها هي إني لو رحت فعلا انتخبت حاروح انتخب مين ؟!
* المحجوب ؟! ... الراجل كان له سمعة كويسة ... بس لمّا كان مُحافظ ...
ومش باين له أي حاجة ناوي يعملها كنائب ...
وسُمعته سابقاه ... والدليل كمية الدعايا والتأييدات اللي في الشوارع ...
يعني تقريبًا أكتر كمية تأييدات شفتها في حياتي !!!
* ولا فعلا حاروح أنتخب واحد كسب قبل كده وأريح نفسي ؟!
* ولا مثلا حد من الإخوان اللي أنا مش مؤيد أصلا ليهم من أي ناحية ..
* ولا بقى أروح انتخب (د. سهير عبد الظاهر) ... ودكتورة سهير دي ..
واحدة جارتنا في العمارة اللي جنبنا... مرشحة نفسها تبع حزب التجمع ..
وشعارها - مصر حق لكل المصريين- ... ما احنا عارفين يا ست الدكتورة ...
والله ممكن أنتخبك ...
اهو الجار أولى بالشُفعة !!
* ولا أنتخب (بُشرى السمني) !!
هي مين دي أصلا مش عارف ... بس هي تبع الإسلام هو الحل ...
وللأسف تم تشويه كل دعاياتها في كل الأماكن تقريبًا ...
* وفيه برضه شخص ما مُرشح نفسه ... يبقى والد زملاتي في المدرسة زمان !!
بس ده تقريبًا مش تبع دايرتنا !!!
والله الفكرة ... هي إني كواحد من الناس ...
مش لاقي أي حد واضح أدامي علشان انتخبه !!!
يعني أنا لو عاوز أعرف خطة حد من المُرشحين .. أعمل ايه ؟!
ومحدش يقول لي روح مقر الحزب الفلاني أو المنظمة الفلانية ...
ومحدش يقول لي روح لجارتكم ... هععع !
- بمناسبة الإنتخابات ...
سمعتم عن مُرشحة الحزب الوطني اللي في القاهرة تقريبًا ..
نزلت دعايا ليها ... مرة بالحجاب ... ومرة من غيره ...
اهو برضه التنوع مطلوب ... وعلشان ترضي جميع الأذواق !!!
هعععععع ...
A Very Big Ha33333333 ...
والله حاجة غريبة ..
وحاجة غريبة بالنسبة لي ...
لإن آخر مرة كان فيه انتخابات ... كنت لسه في أولى ثانوي ...
وكنت بطيخة آخر حاجة ...
وعلاقتي بالانتخابات كانت علاقة حلوة اوي ...
أصل كان فيه لجنة عندنا في المدرسة ...
وروحنا بدري اليوم اللي قبل الانتخابات ومرحناش اليوم اللي بعده ...
ويا سلام لما تم اعادة الانتخابات تاني في الدايرة دي ...
وروحنا بدري تاني !!!!!!
هيهيهيهي ...
أما دلوقت ...
فقال ايه بيقولك .. الانتخابات بداية العصيان المدني !!!
هي العصيان دي بضم العين ولا بكسرها ؟ ولا بايه بالضبط ؟!
- أخيرًا ...
لو حصل ورحت الانتخابات ... وأنا مش عارف حانتخب مين ...
وديـــني ...
لأكتب في الورقة ..
خمسة في سبعة !!
هععع !!
اقعدوا بالعافية ..
T
8/11/2010
ويلكــــــــــــــــم بااااااااااك مستر تي !!!!! ... والله أفتقدت البلوجة !! هيهي xD
ReplyDelete=================
مممممم... سكة مختلفة، حلوة يا تي !!
تي في زييه السياسي،، إوعى تتمسك يا حاج الله يخليك، مش فاضيين نقعد نعمل ونحشي ف ساندوتشات حلاوة بالقشطة !!
،،
،،
= بس والله فعلًا إنت أصبت كبد وكلية الحقيقة... أنا عن نفسي لا أفقه شئ في حوار الإنتخابات... بس أنا عارفة مربعنا.. قصدي دايرتنا !! هيييييع
،،
،،
= بس والله غريبة إنك مشيت مع الست دي للآخر، مصرختش مثلا في السماعة بالإستغاثة الشهيرة :: "مـاماااااااااااا !!" .. هيهي
،،
،،
= حلووووووة جدااااااا يا باشمهندز تي... إستعادة نشاط في شكل جديد!! عاجبني جدااااااااااا طبعا أسلوبها الساخر الكوميدي .. رهيب فعلا
،،
وارجع وأقولّك
::
ملكش دعوة بالسياسة .. إنت مش آد الحبس والبورش يا ضنايا !! هيهيهيهي
== ويلكــــــــــــم بااااااااااك تي !!
:D :D :D :D
Zika Lovett ... xD
طااااااارق
ReplyDelete،،
أولاً،، ويلكم بااااااااااااك .. كفّارة يا راجل .. كنت هنسى الباسوورد بتاعة الميل ..
ثانيًا،، عجبني الديزاين أوي .. عودة قوية يعني .. :D
ثالثًا وده الأهم بقى
،،
الموضوع ده جه على بالي امبارح بالذات .. وأنا داخلة الكلية اللي مش بعتبها أصلا،، لقيتلك حزب ما حاطين ورقتين كبار ما كده من بتوعهم وكاتبين للناس يعني انتخبوهم وكده وكاتبين بين قوسين "هنضفها" .. ؟؟؟
لغة الحوار دي مش بتعجبني من العالم دول بصراحة .. يعني ماليش فيهم ..
- مش عارفة انت قلبت الموضوع ف دماغي وكده وأنا بحب الايجابية يعني بس أنا واحدة من الناس مش بحس إن في "أي حد" من الناس اللي ف دايرتنا الومقرة عمل حاجة بنكلة .. أخرهم كورس
ICDL
مدعم ف مقر الحزب اللي محدش يعرف يوصله وأهو يقولك أنا بعمل وبسوي .. دي مش سلبية ف موقفي ده لما أقول أنا مش هشارك ف الموضوع .. الحكاية كده عاملة زي ف الاتحاد الاوروربي لما دولة تمتنع عن التصويت .. أهو أنا كمان همتنع بصراحة .. أنا همشي بالمصلحة ،، هستفاد إيه من أي واحد فيهم كمجرد مواطنة أقل من العادية يعني وفي خدمات أنا بحتاجها ف البلد ومش بلاقيها؟ .. أنا شايفة إن الاصلاح ييجي من تغيير دماغ الناس اللي حواليك وتهيألهم إن المرة الجاية "هم" اللي ينزلوا الانتخابات والموضوع ميبقاش 5 أو 6 بيطلعوا كل مرة وييجوا يملوا الشوارع ميكروفونات وكلام فارغ مالوش لازمة ومش بعرف أذاكر منهم يعني ..
وبعدين حاجة تانية،، انت بتقول أخر انتخابات حضرتها كنت انت ف أولى ثانوي .. أنا فاكرة السنة دي كويس .. كنت بخاف أروح المدرسة أصلا عشان كان في جنبنا دايرة للانتخابات والكلام اللي كنت بسمعه كان مهزلة بكل المقاييس يعني .. عاوزاك بقى ترجع للأخبار اللي كانت موجودة وقتها عن سلامة العمليات الانتخابية .. أنا مستعدة تزور صوتي اللي من حقي ولا إني أضرب عشان اخترت فلان .. يعني الموضوع بقى إهانة .. :s
من شهر كده ولا حاجة،، نزل خبر إن الاتحاد الاوروبي عرض على مصر إنهم يشرفوا على الانتخابات البرلمانية تقريبًا وطبعًا كالعادة قالوا الرد اللي الناس كلها حفظته: "هذا شأنٌ داخلي" .. والاتحاد قالهم خلاص احنا ناخد الناس اللي ف المجتمع المدني وبتشرف ع الموضوع وندربهم بس أنا متوقعش حاجة هتحصل برضه ..
منك لله،، أنا ساعات مش بحب التفكير بصوت عالي ده بس عجبني الموضوع وحبيت أقراه بصراحة .. :D
متتأخرش علينا كتير وويلكم باك مرة تانية ..
;)
L.G
عارف يا طارق،، ساعات بفكر إن البلد دي محتاجة واحد زي الراجل بتاع 5 نوفمبر .. دي طلعت حاجة حقيقية على فكرة وحصلت ف القرن ال 18 تقريبًا .. :S
ReplyDelete7elwa ya T BS ANTA MESH 5AIFF 3ALA NAFASAK WALA EIH
ReplyDeleteBSSSS AW3A WESHAK ELMOKALMA KANET GAMDAA TA7T BS 2W3A TEKOON BA3D 2MAAA 5ALASST 2ALL (هذه المكالمة مسجلةة تيييييت )
BS ANA 3AIZ 7AGA ZY KIDA COMEDY BA7T ....
nayera : (xX nOosh@ xX)
ReplyDeleteana yup matb3tlish tag xD bas 3amtn ana we ana b2lb ka3ty fe el home :D shoft keda 7aaga tarek nader yom el moklma we kmlt 3ady bs rg3t mra wa7da we olt eih da !!!! hwa tarek katab tany :D:D fa kan el fdool bl nssbaly eny 2a2rha kbeer awiii m32ny m3ndish wa2t we 3andy drs maths bas artha we bgad 27ab 2a2olak eny m3rfsh myn morsha7 fyn wala dyrtna wala ay 7aga !!! we bgad try2tk llwsf we goz2 el comedia we tr2tk fe wasf try2at klmha kan me3adyy !!!! we 27ab 2a2olak nice one we atmna enak tktb kteer tany 3ashan at3lm :D:D we 27baat we 27ssan eny fashla msh b3rf aktb 7aga xDXD :D :]
xX NoOsh@ xX
we 27ss brdo kl 3ada lama b2ralak aw bkr2 lomnia eny fshla msh b3rf aktb 7aga * dy 25er gomla xD
ReplyDeletenosha ..
ana katbtelalk comment ya T ana marwan tarek
ReplyDeleteMarwan .... ?!
ReplyDeleteMarawan meen ? :P
- Nousha ...
ALLAH ye5aleeky ya Fandem :D:D
وبعدين هي دي مش كتابة بالمعنى ..
ده مقال كده ...
يا رب أرجع أكتب تاني زي الأول ..
وبلاش تتعقدي .. بكره تبقي أحسن ... والأهم أنك تكوني مميزة .. وأعتقد ده متوفر عندك !
Thanx Nousha ..
T
Zikaaa ...
ReplyDeletesaba7 el foll ... shofty tabeet 3aleeky bel blog ezzay ?! :D
entom 3andokom el 7ag Mofeed Shehab xD
3an da2erat Mo7ram Beek :D
والحبس .. متقلقيش منه ..
حابقى أجرك في الرجلين ..
أنتي عارفاني .. جدع اوي ..
من أول قفا !!
إلا صحيح ..
أمير البحار مش مرشح نفسه ؟
T
hehe, 3andk 7a2ana ma3rfsh e7na tab3 anhy dayra e7na el etnen hehe, wala a3rf 7ad mn elmorsh7een :D
ReplyDeletebas el 3eeb msh fena homa mawd7osh men elm orsh7en aw 7ata 7y3mlo eh ?
Tareeeeeeeeeeeeeeeek
ReplyDelete2na galy nfs moklmt el telephone bs w7ed ba2a eli klmny ;)
w s2lny kol el as2la de f3;an
bs s2lny so2al zyada w howa : n lw e5trt 7d 75taro 3la 2sas aih :D:D
wel so2al da 3gbny el sra7a :D
"أولا: إني فعلا مش عارف أنا دايرة ايه ؟!
ReplyDeleteالرمل ولا المُنتزة ؟!
يعني أنا ساكن في دايرة (مش جوا الدايرة يعني) ...
بس في البطاقة تبع دايرة تانية ... مع العلم إني عامل البطاقة في الدايرة الأولانية !!
فيا ريت لو حد يعرف أنا تبع دايرة ايه .. يقول لي .."
_____________________________
لوووووووووووووووووووول
وبالمناسبة : أنا أعرف دايرة مترشح فيها الأب والابن والابنة والعم !!! يعني بالبلدي كده : "مقاولة" ولو مش بأبو العيال اللي اخدها أهي برضو متطلعتش من بيت العيلة وزي ما بيقولو "زيتنا ف دقيقنا"
;)) :D :D
هيهيهيهيهي
ReplyDeleteنايس بوست يا طارق..
حسيت بواقعية أكتر من بتاعة جيمي حتى.. وشئ من الجدية..
هما كمان شكلهم مستقصدينك..
عشان تكتب ف البلوج..
المهم..
عنصر السخرية كان هادف جدا..
فيه كلمات انا متعنودتش منك عليها..
نيجي بقا للكارثة..
الانتشخابات يا تي ياخويا..
من خمس ايام كدة لقيت ستات قاعدين ف حتة كدة..
لابسين اسود
كل واحدة لايقل وزنها عن طن..
المهم.. قلت اكيد حد ميت مثلا.. بغض النظر عن الهلس والصهللةوالفطير اللي كانو بيتعاطوه ده..
تاني يوم.. لقيت نفس المنظر.. طنشت
التالت.ز شرحو..
قلت اكيد مش عيلتهم كلها ماتت ف كام يوم يعني..
فييييييييييين بقا..
عرفت ان ده مقر واحدة مرشحة نفسها ف الانتخابات.. اسمها حنااااااااااان..
تشوفها بقا.ز 5 كيلو بودرة ف خلقتها..
وبرضو لايقل وزنها عن طن..
شكلها فرارجية اصلا..
ده غير جملة بنحبك يا نايب وقلب جنبها..والعلامة الرئاسية بايباي يا شعب !!
إحنا عندنا " مووووووفيـــد" آه !! وتقريبًا فقط لا غير ... !! هيهي
ReplyDelete،،
مش حتحتاج يا تي تجرّني ف الرجلين،، إنت حتلاقين هناك من غير حاجة .. مش قضية سياسية طبعاااااا !!!! هههههههه
،،
مش عارفة أمير البحر مرّشح نفسه ولا لأ .. حاسألّك أخته "أميرة" !!! هيييييييييع
Zika Lovett ... xD
i like it ya moseeba !!! nada saad :)
ReplyDeletetare2 msh 7atwel 3alik bs fe gomla bGd enta ktbha tfhmk ely ana 7sa bi mn na7yt el ent5bat di :
ReplyDeleteلإن آخر مرة كان فيه انتخابات ... كنت لسه في أولى ثانوي ...
وكنت بطيخة آخر حاجة ...
we fel 7a2i2a di awel mra bnsbali ykon feha int5bat we fe tnay msh ola bs ana 7sa en kolo bati5 ya3ni fel 25er el 7koma 7te5tar ely hya 3yzah i think !!
we m3sbani awi ely mra sora bel 7egab we mra la2 what ever !!
bnsba ya3n lktbtk ana ba7eb 2a2ra el no3 da mn el ketaba ely byklm el shabab 3adi keda ya3ni fe megala lama nayera ra7et 7aflt ye7ya msh 3aref eih da gabtha el ktaba fiha shbah tari2tk keda kanet gamda awi aretha kolaha keep writtinG ktabtk momte3a !
Ya Teeee :D
ReplyDeletewallahi ana masda2t lma la2tk katabt 7aga gdeda welcome back ya man :)
2ma ba2a 3an el enta5abat wallazy meno fa ana mn weghet nazary lw kan ma3aya beta2a ent5bya kont haro7 ant5eb bs da lw ana 3arfa tb3n kol morsha7 bernamgo eh w nawy y3ml eh msh bs el da3ya bta3to elly fe kol makan el mohem ykon leh nya wad7a w sare7a..
ama ba2a lw ana bati5a kal 3ada fa ana haru7 ant5eb brdo bs sa3tha b2a msh ha5tar meen 3shan hwa kways ana haru7 ashof meen bydf3 aktaar w sa3t-ha ha5od el flos w haru7 ant5eb wa7ed tany w brdo msh 3shan el tany da kways bs ka noo3 mn el esthza2 ba32lyt elly bydf3o dol :D
y3ni hwa shayfny ana enta5bt meen bla nila :D :D
EsSo,
- Nada ... Thanx :)) .. be around !
ReplyDelete- Sema ...
بُصي .. هو يا ريت متبقيش مبسوطة بفكرة إنك بطيخة يعني ...
أي نعم حتى لو ملكيش في السياسة .. فحاولي تتبني وجهة نظر عمومًا ...
أو فكرة خاصة بيكي ...
يعني مثلا مجرد أنك مش معجبة باللي بيعملوه ده في حد ذاته اتجاه ...
يعني مُجرد رأيي بس ^ ^
thanx Sema :))
وبالمناسبة .. اسمها ايه المجلة ؟
:D
- Esso ...
Hello ^ ^
كله كوم واللي بيدفعوا كوم تاني ...
لأ بجد .. مُستفزين اوي ..
وعارفة فيه ناس بيجيبوا أكل كمان !
يعني بيبقى فلوس وغدا أو عشا ...
هييييصة بقى ...
والله لينا رب اسمه الكريم ..
وابقي طلعي البطاقة علشان لما ارشح نفسي بقى واللذي منه .. هيهي
إلا صحيح .. انتم تبع دايرة ايه ؟؟
:D
T
- MG !!
ReplyDeleteالله يحظك !!
انتي تغيير المكان خلاكي تهيسي ولا ايه ؟
هيهي
حنان !!
يا سلام على حنان !
ده انا لو في دايرتها ...
وديني لأتجوزها .. أقصد لأنتخبها !!
:D:D
- MORO !
!!!!!!!!!!!!!!!!!!!!!
يا راجل ..
ده ايه العبط ده !!
توكيل يعني ؟
على رأيك علشان متخرجش برا العيلة !!!
- E.R !
على فكرة انا أتسألت نفس السؤال ده ..
بس نسيت أكتبه .. علاشن مكنتش فاكره ..
هيهي
أنا قلت لها .. يعني مش عارف .. أكيد على حسب حاجة هو عملها قبل كده ... او على حسب سمعته يعني !!
وبعدين واضح إنهم واخدين المنطقة بتاعتنا توكيل .. هع !!
وواضح كمان أن الرجالة بيتصلوا بالبنات والعكس ... على أساس انهم عارفين يعني ..هيهي
T
- LG !
ReplyDeleteأولا : ثانكييوو ..
بعد كده بقى /
"حنضفها" و "الانتخابات بداية العصيان المدني" و ... و .... و ..
مكرهش أنا قد الشعارات المتخلفة دي ...
ويقولك هم دول اللي عاوزين يحسنوا البلد ..
مع انهم هم اللي لو مسكوها حيخربوا اكتر ما هي خربانة !!!
وبعدين اصلا الناس دي ساعات باحس انهم اكتر ناس مش باين لهم خطة .. !
كله ضرب نار يعني ... واهو العيار اللي ميصيبش يدوش !!
وعلى فكرة...
لما كنا في اولى ثانوي ...
اللجنة كانت في مدرستنا ... ومدرستنا كانت جنب مدرستكم .. هيهي
فأكيد هي دي اللجنة اللي تقصدي عليها ...
انا فاكروالله يومها ...
طلعنا من المدرسة بدري ..
ورحت انا و 4 صحابي على المكتبة ...
كنا يوزرز عاديين خالص ..
ويومها كان فيه مظاهرات عند المجمع ...
وكان فيه أمن مركزي ومُصفحات !!
ووصل بيهم الأمر إنهم كانوا بيسألونا انتم رايحين فين .. وبيوقفونا زي ما نكون مشبوهين ...
مع ملاحظة اننا كنا صغيرين جدا ... وبلبس المدرسة ... وانا كفاية .. شكلي كان أليف .. هيهيهي
ما علينا ...
ثانكس إل.جي ..
xD
T
- زيكا ...
ReplyDeleteطيب والله عندك حق ..
انا كل ما أعدي من الناحية بتاعة محرم بيه دي ..
مش بالاقي غير صور مفيد !
وبعدين اصلا ايه الشغلانة السودا دي ...
الوزراء مرشحين نفسهم ليه يعني ..
هم محتاجين ايه تاني ؟!؟!
xD xD
- يحيى ..
أولا برافو عليك انك عرفت تكتب كومنت :D
ثانيا : يا ريت تسألنا احنا تبع دايرة ايه ..بس يا رب ما اطلعش انا دايرة وانت دايرة تاني .. كده مش حالاقي حد أدور معاه..
T
طيب
ReplyDeleteبما انى السياسى الوحيد ف القعده الطيبة الطاهرة
فحدافع عن وجهه منظورى
اولا بس قبل ما أنسى
مبرووووووووووووووك
و الله وحشتنى كتاباتك
ووحشنى بلوجك
و ووحشنى كل الخيليكوف حالوايىة
دى جنسية المنتمين لخليك ف حالك
هع
المهم يعنى حاجة كمان قبل ما انسى
مبروك ع الديزاين الجديد
انا اه مش باحب اوى الديزاين اللى بيبقى فيه اعمده على الجنبين و الكلام مفعوص كده ف النص
بس الموضوع اذواق يعنى
و الديزاين حلو جدا على اى حال
المهم يعنى
نتكلم عن المقال بقى
اولا بالنسبة للاسلوب
أسلوب رائع
بحبه جداً
رغم انى مش باكتب بيه
بس خلاص يعنى بدأت اكتب بيه
اللى هوه اسلوب السخرية العامية يعنى
بصراحه حبيته
خاصة لما تبقى السخرية انتا موظفها عشان تؤدى غرض ما
المهم يعنى سيبك م الاسلوب و البدنجان
ندخل بقى فق موضوع الانتخابات
بالنسبة لبطاقتك
ف و انتا بتعمل البطاقة الانتخابية ف القسم كده باذن الله
هيدوك خيارات انتا عايز تعمل البطاقة على انهو دايرة
محل الاقامة و لا محل الميلاد
ولا الحتة اللى فيها القسم اللى انتا طلعت منه البطاقة
يعنى الموضوع ف منتهى الديموقراطية
اختار دايرتك
فانا مش عارف ليه حاسس انك هتختار الرمل
الرمل عندكو فئات خلينا نختصرهم ف اتنين بس
و الباقى مستحيل انهم يكسبو
صبحى صالح
بتاع الاخوان
و عبسلام المحجوب اللى فيه حد ما اقنعه ان الدايرة عبارة عن البروفايل بتاعه فقعد يحط صوره ف كل حته فيها
على العموم هوه راجل محترم على المستوى الشخصى عمل حجات خحلوة كتير و هوه محافظ
بس انه ينزل باسم الحزب الوطنى هوه ده الحاجة الوحيدة اللى مش مبسوط منها يعنى
و صبحى صالح
راجل محترم على المستوى الشخصى
أتعاملت معاه شخصياً عده مرات
و كان فوق المحترم
عمل برده انجازات كتير كنائب
و هما من كتر ما مش عرفين يسقطوه ازاى جابولوه عبسلام المحجوب
و أنا شايف ان هما الاتنين مش هيعملو اى حاجة يعنى
و لن يأتو بجديد
مقعد العما
معرفش كتير يعنى
مقعد المرة عندك فيه بشرى السمنى
و اعتقد انها هيا اللى هتكسب عشان الاخوان تم استبعادهم من دواير المنتزة و مينيا البصل
فهيدعموا بشرى بكل ما يملكو يعنى
سيبك بقى من كل ده
نتكلمو عن فكرةى الانتخابات اصلا
كلنا شبه متفقين ان بيحصل تزوير ف الانتخابات
و كل الناس حتى الطبقات البرجوازية
حاسين بالفساد بتاع الحزب الوطنى
و عارفين انه بيزور
يبقى نوجع دماغنا لية من الاساس
يعنى ليه هنشارك و هيا اصلا تمثيلية سخيفة جحدا عشان يبقى فيه ديموقراطية شكلية ف مصر
يبقى ليه نبقى ممثلين؟؟؟؟
خاصة لو كانت المسرحية سخيفة اوى كده
ف انا شاف ان الموضوع مالوش علاقة بالسلبية و الايجابية
يعنى لو انتا شايف ان منفيش فايدة من النتخابات و كلنا عارفين كده
يبقى ده مش سلبية
دى تبقى مقاطعه خاصة لو كل الناس هتقاطع
طب سيبك م الانتخابات
ايه بقى بعد الانتخابات
انتا كاتب فوق فيه ناس بتقول الانتخابات بداية العصيان المدنى
هوه الناس دول اللى هما زي حلاتى
ويمكن تختصرهم ف حوالى 15 شخص اسمهم حركة شباب من اجل العدالة و الحرية فى الاسكندرية
و اسمحلى اعرض عليك الفكرة
الفكرة كلها ان الاخوان مشاركين ف الانتخابات
و المعارضة او معظم المعارضة مقاطعين
سيبك من حزب الوغد و التجمع و الاحزاب اللى ملهاش اى لزمة دول
المعارضة الحقيقية مقاطعه الانتخابات
و الحلو بقى ف الموضوع ان الاخوان و المعارضة بيتخانقو مع بعض
دول بيقولو التانيين خونةو العكس بيحصل
بس كده
ف احنا ال 15 بنى ادم دول اقترحنا اننا نبدأ نعمل حاجة تجمع الناس دى كلهات بعد الانتخابات
مثلا تبقى الانتخابات دى بداية العصيان المدنى
مش معنى العصيان المدنى اننا بنقول ان الشعب كله ينزول الشوارع و محدش يشتغل و كده
لأ احنا بنقول ان العصيان المدنى معناه
ان لما مجلس الشعب المزور ده يغلى الكهربا
نقول لكل الشعب ميدفعش فاتورة الكهربا بالتالى نبقى كده عملنا صورة من صور العصيان المدنى
الموضوع طويل يعنى
و كبير اوى
المهم
انى و الله اول ما هاطلع بطاقة انتخابية لو رحت انتخب و كان الوضع زي ما هوه كده
هاعمل زيك و هاكتبلهم
5x7
تقبل مرورى
Ah fe akal ya T bs enta 3ref b2a ana madya 7akera malesh fl akal :P
ReplyDeletee7na dayret Bab Shark :D :D
esmaha wasla << وصلة >>
ReplyDeleteuRw.. :D we 7a7wel afhm fiha ma3 enha momela !!
nOousha ::
ReplyDeleteooooooooh thnx (T) 25gltnyyy :$:$:$:$:$:$
uRW 3ala eih bas we bgad thnx
dyman keda rafe3 mn m3nwiaty xD
nayera
هي العصيان دي بضم العين ولا بكسرها ؟ ولا بايه بالضبط ؟!
ReplyDeleteLOOOL !!
3la fkra ana sha5syan m3rfsh ay 7aga fe ay 7aga liha 3laka bel ent5abat xD ela enta5abat madrstna w ely ektshft eny etrsh7t fiha wna msh 7assa :P
7lwa awi 7kayet el rasha7et nfsaha be 7gab mra w mn 3'er 7gab mra dii ..
i miss this page ^^
Gamda Kal 3ada lw 2olt 7aga 7lwa tanya 7yb2a kalami momel b2a :D
Nice 1 Tarek :)
مبروووووووووووووووك علي العودة يا تي
ReplyDeleteعودا أحمدا ان شاء الله
-------------------------------------
اما بالنسبة لموضوع الكوسة .. فانا مستغرب جداا من الموضوع ده ..ليه الناس دي تعابنة نفسها كده ..وليه نعمل اصلا انتخابات واحنا اصلا عارفين نتيجة الانتخابات ..طبعا علي الاقل 80% الحزب الوطني في البرلمان ..شيء في منتهي السخافة ..في مرشحين معروفين في البداية انهم حيكسبوا ..يعني المحجوب مثلا انا متأكد انه حيكسب طبعا لانه محافظ ووزير سابق وكمان ليه شعبية كبيرة ..حد بقي يفهمني الناس اللي نزله قدامه دي ضعيت فلوس علي الفاضي ليه بقي ...فشخرة مثلا ...!!!
اما الغريب ان عدد المرشحين السنة دي كبير جدا تقريبا بلغ 5720 مرشحاً ومرشحة والسنة دي كمان نسبة كراسي المرأة في البرلمان زادت تقريبا وصلت كرسي62 اصلنا امة بتفهم في حقوق المرأة والدليل علي كده صورة المسكينة الست اللي صورها متشوه في كل شارع ((بشري السمني )) تقريبا كل اعلانتها في منطقة السيوف والفلكي متدمرة كل دي حركات وتمثيل علي مسرح الشعب مش مجلس الشعب
اما بخصوص البطاقة الانتخابية يا تي فانا بفضل الله تعالي حكمل ال17 سنة كمان شهر (اديني الصحة يارب وطولة العمر ) ورغم ذلك معلمتش البطاقة ومش عاوز اعملها .كفاية اني ماشي بكرت مناتيل ..اقوم اعمل بطاقة انتخابية في يوم من الايام ..!!!
متطولش الغيبة بقي
أنا معرفش إن كانت اللى بتتصل دى من الحزب الوطنى و لا منين بالضبط؟! لكن لو كانت من الحزب الوطنى يبأة مفيش أكتر من مكالمتها كوميديا فى الموضوع
ReplyDeleteبالنسبة للإنتخابات أنا حابب أوى النظام المصرى فى الإنتخابات كإنها شركة تميمة بالضبط
أنا ولا شوفت مؤتمرات ولا برامج إنتخابية حروح إنتخب مين بناءُُُُُُُُُُُُُُُُ على إية؟؟؟؟
و حتى لو فى برنامج إنتخابى حيتحقق؟ لو عايز تعرف الإجابة روح إقرأ البرنامج الإنتخابى لسيادة الرئيس فى الإنتخابات اللى فاتت و اللى متحققش منة ولا كلمة و إنشاء اللة البرنامج الإنتخابى لإبنة السنة الجاية حيكون إنة ينفذ البرنامج الإنتخابى لأبوة فى الإنتخابات اللى فاتت
و بعدين أنا كدة كدة معنديش بطاقة إنتخابية و أيوة مش حطلع إلا لما يتعدل الدستور و بردة مش حطلع بطاقة إنتخابية علشان حنتخب بالبطاقة الشخصية. و بعدين إنتة فاكر إنك لو رحت تطلب بطاقة إنتخابية حتطلع ببساطة كدة؟؟؟
طب ونبى ! روح طلع بطاقة إنتخابية و سجل الحوار اللى حيدور و إكتب بية مقال هنا و إتفرج على الضحك
من الأخر متستناش من الحرامى ييجى يؤولك حقك عليا و إتفضل حقوقك أهى, الحرامى لازم يتعفأ من أفاة و يدخل السجن أو ياكل علأة فى قسم سيدى جابر علشان تاخد حقوقك غير كدة, إنسى يا وديع
حلوة اوى فكرة الايجابية دى
ReplyDeleteوكويس انهم ابتدوا يهتموا بتوعية الناس حتى ولو بشكل عشوائى
عايزة اقولك كمان ان السنة دى الانتخابات للناس اقل من 28 سنة بالبطاقة القومية بس مش لازم بطاقة انتخابية بس اهم حاجة تعرف اسمك فى انهى لجنة وعشان تعرف لجنتك لازم تروح رحلة شيقة للقسم -حيث التعاون والتفاهم- وتسأل عن شيخ الحارة وهوده الى يقولك لجنتك فين بس على فكرة ده مواعيده من 8 الصبح ل2 الضهر
ومع كل هذه المشقة فانا شايفة برضه ان الموضوع يستحق صوتك امانة
على الاقل منسمحش لحد لو احنا مرحناش انه يستغل اسماءنا لصالح حد معين
ولو رحنا هنعرف مين المرشحين ونختار
على الافل نكون بنحاول يمكن فى المستقبل تكون انتخابات مجدية والمرشحين فعلا يكون ليهم برامج انتخابية واضحة