A Doctor's Tale - Part 2 !

السلامُ عليكُم ..

امبارح عرضت زي قصة بالانجليش،

كُنت قريتها على أحد المواقع ...

وهي عبارة عن شبه لغز، بيفسر لنا في النهاية طبيعة تفكير العقل البشري ..

وبعد ما حصلنا على إجابات، وتفسيرات، وتخمينات، وانطباعات ..

كان منها الغريب، والعجيب، والمُريب ...

بدأت أكون فكرة عن اللي كُنت محتاج أكونه ..

المُهم ... خلونا نشوف الأول، الحكاية والحل كانوا ايه ...

خاصةً بعد ما ناس كتيرة احتاست فيها ..

A Doctor's Tale

A man was driving his car, with his son in the back seat.

They have an accident of car crash, and then they were taken to the hospital.

The Man enters the OR (=Operation Room), while his son waited in the ER (= Emergency Room) till the doctor come to check on him, but found that the boy is actually the doctor's Son!

- الحكاية بسيطة خالص، ومفيهاش لف ودوران، ولا فيها تلاعب بالألفاظ ولا أي حاجة !

أما السر فهو مين الدكتور ؟ وهل هو أبو الولد ولا لأ ؟

لأ هو مش أبوه ... هو أمه !!

Doctor كلمة بتُستخدم لكلا الجنسين!

يعني الواد طلع واد شرعي ... (للناس اللي عملوا له شجرة عائلة تانية خالص ! ) ..

- ولو افترضنا، إن الحكاية كان فيها منافسة امبارح !

ففيه 2 كسبوا !

وهم بالترتيب الآتي ..

1- 3ala2  وهو أول شخص توصل للحل الصح تمامًا !

2- Raven واللي قال إن الدكتور والراجل شخصين مُختلفين، وأخد باله من كلمة his son .

- عن الانطباعات والحلول اللي تم ذكرها امبارح !

البعض فكر في إن الولد أصلا مش ابن الراجل اللي عمل الحادثة، وإنه ابن الدكتور ، بس ميعرفش كده !

ودي طبعًا فكرة فيلم الخطايا، وشوية والراجل كان يطلع ويقول لابنه : انت مش ابني، انت لقيط !

هع !

بعض التفسيرات العبقرية من مُصطفى السيد ..

هي في الواقع حاجات غير منطقية، ولو إن في رأيي كان هو ده الأسلوب الصح في التفكير،

 يعني معنى إننا نوسع خيالنا لغاية ما نوصل لأقرب نقطة في الخيال ده ...

التفسيرات دي كانت زي، إن الراجل طلع من العملية وشاف الولد !

أكيد مش معقول يعني !

أو إن الدكتور جد الولد !

هع هع .. وسعت منك يا مُصطفى !

- نيجي لتفسيرات تانية، وهي تفسيرات رهيبة جدًا جدًا ..

كانت من جوري ( ولاحظوا إنها مدارس فرنساوي ) :D

قالت إن الراجل اللي عمل الحادثة ممكن يكون السواق أو يكون دكتور برضه !

- وأخيرًا نُهير، واللي كانت قربت للحل، وبعدها انتهت بيها الأمور ..

إن الراجل عنده انفصام في الشخصية !!!

----------

طيب ... نيجي دلوقت للهدف بتاع الليلة دي كلها ..

وهو التفكير المتوجه ناحية الرجل، ويمكن ده يتفق أكتر مع شخصيات مجتمعنا !

واللي حتى الآن ما زال فيه سيطرة الرجال ( قال يعني بجد ! )

هي دي الفكرة اللي كان الموقع اللي قريتها عليه بيناقشها !

بس انا حبيت أوصل لحاجة تانية ..

وهي طبيعة تفكير كل شخص وارتباطها بجانبيه الذكوري والأنثوي ...

وعلى فكرة ده في كلا الجنسين، يعني مش في الراجل بس أو البنات بس !

ويمكن، بما إني أعرف مُعظم الناس اللي شاركوني بانطباعاتهم !

فاكتشفت فعلاً اتفاق أسلوب تفكيرهم بشخصياتهم !

يعني الذكي جدًا منهم، استخدم عقله بشكل قوي، وخلاه يشك في كل كلمة ..

أما الناس اللي بتتحكم في ذكائها بهدوء، فهي اللي كانت الأقرب للحل !

الناس العصبية والمتوترة، كانت أفكارهم قوية بدرجة كبيرة !

أما الخياليين، فكانت أفكارهم خيالية ..

-------

أخر حاجة أقولها، إن الليلة دي كلها تقدمة لحاجة ناوي اكتبها بالبلوج ...

وهي عن رمز اليين واليانج ، لو حد يسمع عنه يعني !

وبالمناسبة..

ناس سألوني أنا لما قرأت الحكاية دي أول مرة...

فكرت في ايه ؟!

وأحب أجاوبهم، إني بعد ما جمحت بخيالي في أفكار كتيرة ...

خليتني أمشي مع قلبي، واللي كان بيقول لي إن الدكتور يقرب للولد بشكلٍ ما ..

لكن ازاي ... مش عارف !

فكسلت أفكر، وبصيت على الحل ..

أصله كان مكتوب بعدها بسطر !

خليك في حالك  !

:D

TNT

1/4/2010