"جميع القنوات المصرية تتجاهل الأحداث"!
شخصيًا لم أكن أحد هؤلاء المُحبين لقنواتنا الإخبارية، أو التي تخلق دراما الأحداث الجارية، في برامجها الليلية المُباشرة...
لكن اليوم... ومُنذ الصباح الباكر، واتجه الإعلام المصري -والسلطة بالطبع- لاستغلال الوظيفة الأكثر تأثيرًا للإعلام، وهي (التعتيم)...
مُستغلين التظاهرات اللبنانية، والصدامات التونسية، وانفجار مطار موسكو، كفُرصة للتغطية على الأحداث.
دعك من كُل هذا...
فتصاعد الأحداث، من اشتباكات، واعتصامات، وآلاف المُتظاهرين في مُختلف الأنحاء... كان أكبر من المتوقع ...
وشُكرًا لقناة مثل قناة (الجزيرة) وهي الوحيدة التي نقلت الأحداث.
السؤال هو/
أين هؤلاء أصحاب البرامج الحوارية؟... وهؤلاء الإعلاميين الأقوياء جدًا... والقنوات التي رفعت شعارات مُختلفة...؟!
هل اتضح أن السُلطة قد تغلبت على حُرية التعبير؟!
* ولا ننسى حجب العديد من المواقع ... مثل الدستور، الذي ينقل الأحداث دقيقة بدقيقة...
و (تويتر)... وهو ما أثار غضب مُشيدي الموقع...
وإغلاق مواقع مُختلفة على شبكات الإنترنت الخاصة بموبينيل واتصالات...
* في الواقع... لا يُهم ...
تحية لكل شخص خرج وهتف !! :)))
ومن يدري ... لو استمر الوضع ...
اليوم عشرون ألف ... وغدًا يُصبح أكثر ... وبعد الغد ... من يدري ؟!
T
25/1/2011
هو كمان يا طارق مش تعتيم عادي دي سذاجة الالاف الناس فى الشوارع والقنوات بتتظاهر ان مافيش حاجة صوت المظاهرات وصل للناس قبل ما يوصل على التلفزيون . ياعنى حتى مكنوش بيحاولوا يحلوا الازمة دول كانوا عمالين نفسهم مش شايفنهاوبنكروها
ReplyDeleteتحس كأن البلد عبارة شعبين ... الحكومة شعب والناس الشعب التاني . دول في وادي ودول في وادي تاني .. علي فكرة اللي حصل انهارده متوقع ومعروف ..ان كل اللي بيجري في البلد يتعتم .. مين امتي والتلفزيون بتكلم عن قضايا التعذيب او الفساد وعن اسماء معروفة فاسدة ولا حتي عن اختلاط السياسية بالمال طبعا مفيش كلام .. تلفزيونا بس فاضي عن الكلام عن المواطنة والانتماء و الحرية والديمقراطية اللي بتعشها مصر في الوقت الحالي وبعد ما يخلص الكلام المعسول ده هوب ينزل تتر البرنامج علي اغنية "ياحبيتي يا مصر" تقريبا زي النعام طريقته في الهروب عبيطة وفي كل مرة بياكل .. واكيد هما كمان حيجي عليهم وقت ويتاكلوا .. وحيستمر الوضع كده طول ما الناس ملهية وخايفة ... الحكومة خلت المواطن مطحون في شغله رفعت عليه الاسعار عشان يقضي يومه بيشوف اكل عيشه ويتلهي عن السياسية وامورها .. تخطيط فظيع ... بس انا مش معاك في فكرة الجزيزة بالذات ... اذا كان قنواتنا خايبة مش فاضية غير للتطبيل للنظام ده ميسمحش ان قناة زي الجزيرة تستغل الموقف السياسي السيء اللي بين مصر وقطر وتبدأ في الكلام عن النظام وحال الشعب ...دول مش بيحللوا الموقف دول بيشمتوا اصلا فينا
ReplyDeleteوكل عيد شرطة وانتم طيبين .. ودمتم سلامين
طيب .. أنا عاوزة أرد على كريم الأول
ReplyDelete،،
بص يا بني .. أنا معاك إن الجزيرة في بعض الأخيان بتكون متحيزة وبتشتم فينا .. بس الناس دي فعلا محترفة في شغلها لدرجة إنها بقت قناة وحواليها دولة مش دولة ولها قناة .. بس الحق يتقال إنها بتنقلك الخبر اللي مش عاوز تسمعه .. وبعدين مين قال إن نظامنا مش ......... ،، هو ده مش واقع ولو ده كان مش موجود كل البني أدمين دي هتطلع تعمل إيه .. أنا أفضل إن يبقى في صوت حتى لو أنا ضده أحسن من الفضائيات بتاعتنا اللي جابت برامج من نوعية "لكي يا سيدتي" ..
:D
بس غير كده ،، بصراحة استغربت إن كريم بيقول الرد ده .. Chapeau ..
;)
=================================================
بالنسبة لكلامك يا مستر تي
،،
أنا أخر حاجة فكرت أشوفها لما صحيت إني افتح التليفزيون وأشوف بيعرضوا إيه حفاظًا على الصحة بصراحة .. يا رب ميبقاش يوم واحد .. لإن الموضوع لو نام بعدها صدقني الحكاية دي هتدي مناعة للأمن بحيث لو حصل حاجة تانية هيتحكموا في الموضوع بكفاءة أكتر .. المفروض نستغل عساكر الأمن دول في الوقت ده - اللي في منهم ساب الخدمة وراح يمشي في مظاهرة - إنهم يبقوا في صفنا لإن ده آخر ورقة رابحة مع مبارك تقريبًا .. يا رب يعني ..
Another "Chapeau" .. =D>
اها .. يا لطيفة ..
ReplyDeleteدي واحدة من وجهات نظري برضه ...
الأمن المركزي دول أصلا اكتر ناس غلبانة والله !
لنا الله !
وبالمناسبة ..
أحب أحيي القناة اللي بتعرض حاليا برنامج "آخر موضة" .. معه "أمينة شلباية" .. هيهيهي
T
يمكن يا لطيفة الواحد مقنع بنظرية انا واخويا علي ابن عمي وانا وابن عمي علي الغريب انا محبش دولة متعداش الكام الف كليو تشمت فينا وتمارس بقي عليا فكرة المعايرة ...بس من ناحية انهم بروفشنل فهم فعلا كده منكرش طبعا .. بس هما يبعدوا عن مشاكلنا طلما بيستخدموا اساليب مش حيادية في التعامل مع مصر بالذات ...
ReplyDeleteEt Trés Marci Mademoiselle latifa Pour la chapeau
---------------------------------------
ولا يمكن ننسي برنامج طلباتك اؤامر برضو يا تي