خـلـيـك فـي حــالــك !

السلامُ عليكُم ..

كيف الحال ؟!

:D

أنا فاكر اليوم ده كويس...

 اليوم اللي عرفت فيه ال 3 حروف دول لأول مرة !

LOL !

قعدت بعدها سنة كاملة مش عارف يعني ايه LOL !!

لغاية ما اكتشفت إنها Laughing Out Loud 

كان ساعتها مفيش لا Face BOOK ولا حتى Blogger !

يا دوبك الياهو والهوتميل ماسنجر أو بالأصح كان ويندوز ماسنجر !

ويوم ورا يوم (حبيبي) :D

ظهر الفايس، وظهر معاه الفرانكو !

وتوالت الاختصارات !

BRB = Be Right Back 

TYT (مش الشتيمة) لأ Tyt يعني Take your Time

El7, URW, BTW, ISA, TTUL

وألفاظ أخرى لا داعي لذكرها !

يحتوي البعض منها على أرقام من أمثال ال 7 وال 5 !

ما علينا ...

هو أصلاً الكلام ده كله ملهوش أي علاقة بالمُدونة دي كلها !!!

لكنه مُقدمة مش أكتر !

- أيها القوم ...

استعدوا !

هُناك اختصار جديد قادم لغزو عالم الإنترنت !

اختصار سوف يستخدمه الجميع في غضون (..) سنة !

ابتداءًا من مُستخدمي الفايس بوك -الأعزاء على قلبي -

ومرورًا بالمُدونين والمُتوترين العرب (نسبةً إلى موقع Twitter )

إنـــه !

7  × 5

ومنذ أن أصبح الرقم 5 مُساويًا لحرف الخاء ،

والرقم 7 مُساويًا لجارِه حرف الحاء !

فتُصبح المُعادلة كالآتي :-

خ × ح !!

يعني " خليك في حالك ! "

5aleek Fe 7alak

!

هي دي مُدونتي !

هو ده العالم الجديد اللي حاعيشه !

أنا كده !!

 أنا غريب !!

واهو الاعتراف بالحق فضيلة برضه !

- طيب .. اسمحوا لي أتكلم جد شوية !

أنا الحمد لله أعرف ناس كتير، طبعًا مع اختلاف مستوى علاقتي بكل شخص منهم !

لكن في النهاية مفيش غير حوالي 3 أو 4 هم اللي يعرفوا عني وعن الأفكار السودا اللي في دماغي !

المُشكلة بقى، أني خلاص مش قادر استحمل !

أنا محتاج أكتب كلام كتير جدًا !

وفعلا لما جربت الكتابة حسيت براحة، على عكس بعض الكلام اللي اتقال لي من بعض الناس !

طيب ... ليه البلوج دي اسمها كده ؟!

"خليك في حالك "

أنا عارف، ده ايه قلة الذوق دي يا خواتي ؟!

بس للأسف الجملة دي لازمتني في مرحلة مُهمة جدًا من حياتي !

وما زالت مُرتبطة بيا بعض الشيء ...

كُنت مُضطر أقولها لناس كتير !

أو عن ناس أكتر !

- الحكاية وما فيها ...

أن دي مُدونة واحد عاش 19 سنة حتى الآن !

يحب جدًا يشوف الناس تشتغل بالمبدأ النبوي : من رأى منكم مُنكرًا فليُغيره .

لكن في نفس الوقت .. أحب أكتر عدم التدخُل طالما كان الأمر بعيد كل البعد عن المُنكر !

وطالما أنه كان أمر لا يخصك !

فالأفضل

5aleek Fe 7alak

أو 7  × 5

- أهلاً بكل شخص يمُر من هُنا !

أهلاً بآرائك أيضًا !

وعلى الرغم من عنوان البلوج 

" خليك في حالك ! "

بس واضح أنك مش بتعرف تقرأ كويس !

" لأ مش أنت ... يا عم مش أنت !! "

طارق نادر

11 مارس 2010

- أخيرًا وقبل البداية ..

أحمد الله سبحانه وتعالى ..

وأتوجه بـ Special Thanx

ل My Soul Brother

تيدي .. :D  على ديزاين المُدونة ..

ول 3 أفراد من الباا

أولهم My Soul Sister

شي ... على تشجيعها ..


- شيكسبيرة & موني !

بجد مش عارف أقولكم ايه ..

شُكرا من هنا لبكره مش حتكفيكم حقكم ..

: )

And to AbdelRahman Fayez

كان وشك حلو عليا :D:D:D