سلامُ الله عليكُم ..
- سؤال وجدتُ نفسي أطرحه بالأمس...
وللأسف لم أستطِع أن أُحدد له إجابة ...
الأغرب هو إحداثيات السؤال عاصرتها منذ فترة كبيرة،
لكن طرحته على نفسي لأول مرة بالأمس فقط !
( في أي عصر نكون ؟ )
- ولا أقصد عصر العولمة، أو عصر العالم قرية صغيرة،
أو كل هذا الهُراء الذي يسمعه كل مُتابع لأخبار الساحة
-وأنا لستُ من هؤلاء بالمناسبة -
-وأنا لستُ من هؤلاء بالمناسبة -
ما علينا...
زمان ...
وبالتحديد من كام سنة كده،
أفتكر جدتي -رحمها الله-
وهي بتقول لي : "يا بني، أنتم زمانكم ده زمن (أغبر)،
محدش بيحب حد، ومحدش بيهتم.
والعالم كله بياكل في بعضه."
- الأغرب، إنه بعدها بسنة ولما جدتي ماتت ..
جدتي التانية -رحمها الله برضه-
قالت لي حاجة تانية خالص، قالت لي:
"يا بني، أنتم زمانكم ده زمن دلع، متوفر لكم كل حاجة..
احنا على أيامنا مكانش فيه كل الكلام ده، ولا كنا عايشين في الرفاهية اللي أنتم فيها ".
وبعدها ماتت جدتي هي كمان ..
واضح أن كل اللي بيقولي حاجة مهمة، ربنا بيتوفاه !
:D
رَحِمَ الله كلتيهما !
- الحاجة الأغرب والأغرب بقى ...
إن كلام الاتنين صح ..
احنا فعلاً في عالم مدلّع، ومتوفر لنا كل حاجة ..
ونفس العالم المدلّع ده، هو عالم مليان حروب،
عالم متعرفش فيه الواحد مخبي وراه ايه...
بس يا ترى احنا اخترنا نعيش في أي واحد من دول؟
أو بالأصح... احنا ساهمنا في خلق أي عالم من الاتنين ؟
للأسف، أنا من امبارح بافكر في الحل اللي يخصني ..
وعلشان كده أعتقد أني حاستحضر أحد أرواح جدودي الأربعة ..
هع ..
كل الود ..
و 7 × 5
TNT
15/3/2010
هو مبدئيًا كده ،، أنا لسه بسأل نفسي السؤال ده :Dبرضه ولسه ملقيتش الإجابة
ReplyDelete- بس أعتقد أن فكرة أنتمائك لأنهي عالم بتعتمد على
كل واحد وظروفه،
يعني لو عندك واحد مثلا كل حاجة متوفرة ليه ،، حياة مستقرة ومستقبل مضمون إلى حد ما هتلاقيه عايش في العالم "المدلّع" ومش على باله أي حاجة من اللي بتحصل حواليه
ولو عندك واحد مطحون بمعنى الكلمة والدنيا واخداه في مشاكلها هيقولك العبارة الأولى أن ده زمن صعب وكده وهيفضل يردد الكلام ده طول
حياته،
وهتلاقي أن في صراع بين "سكان" كل عالم من دول يعني سكان العالم الأول بيهربوا من العالم الثاني بعتبارهم حاقدين عليهم وسكان العالم الثاني بيحقدوا على العالم الأول نظرًا للظروف اللي هم فيها
- بالنسبة لسؤالك بخصوص أحنا اختارنا أنهي عالم نعيش فيه ،، أعتقد أن في الأول أحنا بنعيش في عالم منهم أعتمادًا علي الظروف المحيطة وبعدين في احتمالين:
- في ناس بتساهم بشكل أو باخر في العالم اللي عايشة فيه وتلاقيها منقادة وممكن لاإراديًا يعني الناس اللي عايشة في عالم أنهم في زمن "أغبر" هيفضل يلعن في الظروف اللي خلته يعيش في العالم ده من غير ميفكر في كيفية تحسين ظروفه وسكان العالم الثاني هيفضلوا عايشين في
"LaLa Land" :D
من غير ميفكروا في أن الحياة مش مستقرة على حال معين،
يعني الموضوع عامل زي كتاب
The Secret >> "Like Attracts Like"
الأحتمال الثاني ،، أن الواحد يوازن بينهم بمعنى أن أحنا في زمن "أغبر" يبقى الواحد يحاول يصلح من ظروفه دي وفي نفس الوقت أحنا في زمن "مدلّع" فنستغل بعض التسهيلات الموجودة دي ونستفيد منها،، يعني مش مهم أنت بتنتمي لأي عالم منهم المهم أنك تبقى حيادي إلي حد ما وتستفيد من معطيات كل عالم من دول
:D
- هاللو لطيفة ..
ReplyDeleteمنورة "البلوج" :D
عجبتني أوي آخر حتة قلتيها ..
وهي الموازنة بين العالمين ..
وبالرغم من أني برضه مش قادر أستوعب حتى الآن ..
ودي حاجة غريبة محصلتليش قبل كده ..
إن يكون فيه سؤال محيرني للدرجة ...
بس حافضل أفكر ..
وعلى فكرة ..
كلامك الأولاني كله صح طبعًا ..
وأقولك الدليل ..
جدتاي الاتنين ..
واحدة منهم عاصرت مؤخرًا واقع العالم المدلع، وهي اللي قالت لي أن عالمنا مدلع فعلا ..
أما التانية فعاصرت أكتر العالم الأسوأ، أو خليني أقول الأصعب... لأن الناس الكبيرة -الله يرحمهم- كانوا بيحمدوا ربنا على كل حاجة فعلا ..
ويمكن ده شيء يميزهم، ويخلي الواحد من الصعب يفهم طريقة تفكيرهم كانت ازاي فعلا ..
ثانكس لطيفة ..
: )
هي معادلة صعبة فعلاً أن الواحد يوفق بين العالمين دول وأنا -شخصيًا-مش هقول أني حققت المعادلة بصورة فعلية لدلوقتي بس دي الحياة عمومًا، لازم الواحد يتعب في الأول ..
ReplyDeleteYou are Welcome : )
والله يا طارق أنا شخصيًا شايف إن فكرة إن زماننا زمن دلع ،، هو سبب إن نفس الزمن زمن حروب وحقد وكراهية ،، لأن كل ما تتوفر ليك سبل الراحة والرفاهية بتتطلع للأعلى والأعلى حتى لو كان ده على حساب حد قريب منك ،، ونفس الكلام للدول كل دولة بتحاول ترتقي على حساب أختها ،، ومش فارق خالص القيم والمبادئ والأخلاق والمعنويات ،، احنا في زمن الماديات والمحسوسات يا طارق ،، للأسف حاجات كتير جدًا من المعاني الراقسة جدًا اندثرت في عصرنا ،، وصار الخلق لا يتحدثون إلا بلغة : المادة .
ReplyDeleteعشان كده لو فكرت تعيش في عالم واحد بس من العالمين اللي لمحت لكل واحد منهم جدة من الاتنين هتتعب جدًا ،، حاول تتأقلم مع الاتنين ،، وف نفس الوقت متنساش مبادءك وقيمك ،،
وعشان كده أنا شخصيًا هحاول أخلق عالم تالت أعيش فيه ، ومش معنى كده إني هنعزل عن البشر أو إني أنفرد بحياة لوحدي ، بالعكس تمامًا ،،أنا هعيش مع الناس بس لازم أحوط حياتي بسور من القيم والمبادئ اللي لا يمكن أتخلى عنها مهما حصل !!
---------------------
وبالمناسبة البلوج عجبتني جدًا ،،
بجد ! إنتا م الناس اللي كسبتها م الكلية يا طروق
عمرو ;)
بعد السلام وكتر الكلام و الخ الخ الخ
ReplyDeleteاحنا ف انهو عالم عجبنى السؤال زي كده ما بتعجبنى اسئله الفلاسفةام هند احنا فين و عابشبن فبن طب ليه مانحكمش بالعالم اللى احنا شاركنا فى صنعه بمعنى تانى احنا بنعمل انهو عالم احنا بنخلى انهو عالم يحاول ينتصر على التانى هوا احنا بنصنع انهو فيهم هوا احنا من ضمن الناس اللى بتصنع العالم الوحش اللى كله جرايم ولا احنا بنحاول نصنع عالم المرفه لازم كل واحد مننا يبقى عنده هدف و عنده على الاقل فكرة هوا المفروض يحاول يصنع انهو عالم يعنى مش مشكلة لو واحد عايز يصنع العالم الشرير ده بس المهم انه عنده هدف و بيحاول يحققه هوا مش لازم عشان يصنع العالم المدلع انه يخترع المصباح الكهربى و مش لزم عشان يصنع العالى الوحش انه يعمل قنبلة ذرية كفاية بس انه يحاول يغير من نفسه للأحسن كفاية انه يحاول اسعاد اللى حواليه كفاية انه يشيل ورقة من على الارض المهم انه يشارك وخلاص
بس
everything now is turned up side down !!!
ReplyDeletewe are in the era where everything is available and we are spoiled too !!!
Although We can't manufacture anything even the pin in exported from china !!!
in the past ... Industry was important and Egypt was good industrial country ..
but now ... NO COMMENT !!
rabna yr7mna !!!
Nice note T :D
i wanna call U T ..ok ??
Keep It Up T ..
AwesOmE aS uSuaL !!