سبت، حد، اتنين، تلات، أربع، خميس، جُمعة... < درجــات > !

سبت... أحد (بدون الألف)...

اتنين... ثلاثاء (اسمُه تلات)...

أربعاء (أربع)... خميس...

............. جُمــعة............

-1-

يوم التلات...

أنا قلبي مات.

أربع عيال... جايين يصحوني..

عايزين يفوقوني...

بيضربوني، يقولوا لي: فوق.

أربع عيال... جايين يغنوا لي..

مات اللئيم... مات الخسيس..

ودفنته يوم الخميس!

وفي يوم الجمعة...

لا تجوز له دعوة، 

ولا تجوز عليه رحمة.

حنحطوا على قبره وردة...

ونتفِوا عليه... من سُكات.

-2-

تلات درجات... طلعناهم جماعة.

أربع درجات... وقعناهم جماعة.

وفي يوم الخميس اللي فات...

إحنا اللي بنينا لهم داكهيّ السلالِم،

اللي طلعوها ووقعوها.

ما هم أصلهم خانوها... بلدهم !

وفي يوم الجمعة ولّعوها !

نسيوا إنهم في السبت اللي فات،

كانوا متمتعين !

وإنهم في الحد اللي قبله،

كانوا متنعمين !

زي ما تكون بلاد أبوهم، ولا تكية عمهم.

خُلصت أرواحهم... طِلعت عينيهم..

من عالسلالِم... وقعناهم كُلهم.

-3-

قالّك سلالِمــ بتـتلخـلخ،

قالّك قـلوب وبتشخشخ من الصدى.

قالّك البشر كيف المعادن...

فيه منها اللي بيصدي،

ومنهمـ السارح ويّا القضى.

* والأيامــ.... هيّ كمان درجات.

طارق نادر

17 أغسطس  2011